मैले गीत छोडी आएँ / किरण खरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

किरण खरेल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मैले गीत छोडी आएँ फूलको तरेलीमा
कहाँ खोजूँ कहाँ भेटूँ, कसको परेलीमा
मैले गीत छोडी आएँ फूलको तरेलीमा

सुनको बिहानी मुस्काउने सानो गाउँ थियो
स्वर्ग हो कि त्यो धरती हो सानो ठाउँ थियो
त्यहीँ फुल्थे गीत मेरा बेली चमेली झैँ
कोपिलामा हाँस्थ्यो कोही मेरो सुसेली झैँ
मैले गीत छोडी आएँ फूलको तरेलीमा

डाँडापारि साँझमा बाटो मेरो हेर्दै
रुँदैछ कि चुपचाप साँझमा गीत आँसु झार्दै
मखमली चोली पनि उसलाई बिझायो कि
लुकी लुकी ताराले उसलाई गिज्यायो कि
मैले गीत छोडी आएँ फूलको तरेलीमा