भारत की संस्कृति के लिए... भाषा की उन्नति के लिए... साहित्य के प्रसार के लिए
म्हानै तो औ ई चाव कलाळी / सांवर दइया
Kavita Kosh से
(भवानीसिंह राठौड़ खातर)
म्हानै तो औ ई चाव कलाळी
म्हैं लेसां, तू दै दाव कलाळी
आ मौज महफिल तो मन री हुवै
अठै आ कुण पूछै भाव कलाळी
अळधै सूं देख्यां कांई सरै
काळजियै पूग्यां साव कलाळी
एक प्यालो दे क्यूं रोकै हाथ
मांय लागी लाव-लाव कलाळी
तूं मत रूसजै, तूं सांस म्हारी
नित हरखी-हरखी आव कलाळी
