भारत की संस्कृति के लिए... भाषा की उन्नति के लिए... साहित्य के प्रसार के लिए
म्हैं टाबर / शिवराज भारतीय
Kavita Kosh से
म्हैं टाबर पण तणुं बराबर
झूरूं बाळपणै री खातर
डांगर घेरूं नीरूं प्याऊं
घास लेण खेतां में जाऊं
खोदी काडूं खेत रूखाळूं
घर वाळां रा कारज सारूं।
ढ़ाबां पर बरतन भी रगडूं
जो देवै सो लेवूं न झगडूं
दूजां नै म्हैं भर-भर पुरसूं
बासी-खूसी नै म्हैं तरसूं।
म्हारी हाण रा पढ़वा जावै
खेलै-कूदै नाचै गावै
कुल्फी लाडू पेड़ा खावै
म्हारो मनड़ो बै तरसावै।
पढ़-लिख चोखो मिनख बणूं म्है
गांव गळी रो नांव करूं म्हैं
कद पूरो हुवैलो सुपनो
या सुपनों रैवैलो सुपनों।
