सधैँभरि आँधीबीच अटल भै रहन
म पनि त मानिसै हुँ गाह्रो हुन्छ सहन
धेरैचोटि हुरी चल्दा छातीभित्रै लुकाएथेँ
मनको बाँध फुट्न खोज्दा परेलीमै सुकाएथेँ
सधैँभरि बाधा फुकाई एकैनासले बहन
म पनि त मानिसै हुँ गाह्रो हुन्छ सहन
तिम्रो संसार डग्मगाउँदा मूलजरो भै थामिरहेँ
भर दिँदा अरूलाई भित्र आफू कामिरहेँ
नदेखाई पीरहरू सधैँ हाँसिरहन
म पनि त मानिसै हुँ गाह्रो हुन्छ सहन
सिसाजस्तो मन टेकी हिँड्नेलाई बाटो दिएँ
ढुङ्गा जति आफैँ लिई नबिझाउने माटो दिएँ
चर्के पनि नचर्के झैँ मूर्ति बनी रहन
म पनि त मानिसै हुँ गाह्रो हुन्छ सहन
•