भारत की संस्कृति के लिए... भाषा की उन्नति के लिए... साहित्य के प्रसार के लिए
यहाँ मौसम के धमकी / सुधीर कुमार 'प्रोग्रामर'
Kavita Kosh से
यहाँ मौसम के धमकी से भला सागर डरैतै की?
अहो रौदा भरोसे पान के पत्ता फरैतै की?
इलम से काम करना खूब जानै छै बहिन, बेटी
हवा से पूछी के घरनी भला चुल्हा जरैतै की?
बड़ी मिहनत, दुधारी गाय, गोबर, नाद, गोड़ी में
भला न्यूटन यहाँ आबी जनाबर के चरैतै की?
जिताबै छै हराबै छै यहाँ जनता नियामक के
मगर हमरो पसीना के कभी सूरज हरैतै की?
सुनलियै साठ बरसो से अलोधन गाड़लो घर में
मरै के बेर सौसे गाँव में दंगा करैतै की?
