रंग सुरहाणि खे आकार ॾिनुइ! / अर्जुन हासिद

रंग सुरहाणि खे आकार ॾिनुइ!
मुरिक खे कहिड़ो न इक़रार ॾिनुइ!

किअं ॾिसे, किअं न उणे थी सपना,
दिल खे ही कंहिंजो खणी प्यार ॾिनुइ!

पंखड़ियूं गुल जूं संवारण ख़ातिर,
जिस्म खे नफ्स जो आधार ॾिनुइ!

फहलिजी किअं न वञे थो किरणो,
सूंहं खे केॾो न संसार ॾिनुइ!

शांत झरणनि जूं उजायल ॿांहूं,
इअं बि अहसास खे इज़हार ॾिनुइ!

विटिड़ी हित-हुत त वएं हासिद त बि,
पाण ते कंहिं खे न अधिकार ॾिनुइ!