रचि रचि रचलूँ सबुज रँग सेजिया / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

रचि रचि<ref>रच रचकर</ref> रचलूँ<ref>बनाया, तैयार किया</ref> सबुज रँग सेजिया।
सुरुज जोति सेजिया, मोती लगल सेजिया॥1॥
धायल, धूपल<ref>जल्दीबाजी में दौड़े हुए</ref> अयलन दुलहा दुलरइता दुलहा।
बइठूँ, बइठूँ बइठूँ दुलहा सबुजे रँगे सेजिया॥2॥
कइसे के बइठूँ धनि, तोहरा हे सेजिया।
तूँ तो लगैलऽ धनि, हमर बहिनी चोरिया॥3॥
बाबा किरिया<ref>शपथ, कसम</ref> भइया किरिया, परभु तोहर दोहइया।
हम न लगवली तोर बहिनियाँ के चोरिया॥4॥
टका<ref>रुपया</ref> चार बिगवौ<ref>फेकूँगा</ref> हम पयबो सगरो<ref>सब जगह</ref> धनियाँ।
कहमा त पयबो धनि, अपन बहिनियाँ॥5॥
अँचरा<ref>आँचल</ref> बिछयबो ताहाँ<ref>वहाँ</ref> रे परभु पयबो।
कहमा त पयबो परभु, हमहुँ सहोदर भइया॥6॥

शब्दार्थ

<references/>