भारत की संस्कृति के लिए... भाषा की उन्नति के लिए... साहित्य के प्रसार के लिए
रस्तो / अर्जुन हासिद
Kavita Kosh से
बुढिड़ीअ दरवाज़ो खोलियो
हल्किड़ो आवाजु़ थियो हो दर ते
सामुहूं वार घिटीअ
निहारियो पिए
हिकु रस्तो आहे परे परे
साईकिल ते कोई वियो पिए
लंघन्दो आहे हितां
शायद खिनु तरिसियो हून्दो।
हाणे ई बाख फुटी आहे
ख़ुशबू आहे वणटिण ते
आगुर बि आलसु पियो भञ
इन्हीअ टारीअ ते झिरिकी रोजु़
सोनहरी किरिणनि वटि हली ईन्दी आहे
चुहिंब सां चवन्दी आहे पननि खे कुझु
हवाऊं बि सुञाणनिसि
खिज खिज कनि
पाणु फड़फड़ाइनि
रस्तो ओरिते हलन्दो थो अचे
सिजु बि ॼाणु विसामियो
वणनि जा पाछा मेरा थिया आहिनि
छांव संझा वांगुरु भासे थी
ॾीओ ॿारे दर वटि रखंदियसि।
(कूंज मख़ज़न- 2002)
