भारत की संस्कृति के लिए... भाषा की उन्नति के लिए... साहित्य के प्रसार के लिए
रही-मारै छै हिलोर / रूप रूप प्रतिरूप / सुमन सूरो
Kavita Kosh से
रही-मारै छै हिलोर,
अँचरबा उड़ि लहराबै!
फागुन कटलै अन्हारि
ईंजोरिया पछिया बयरिया,
गम-गम गमकै झकोरि
गुजरिया आमोॅ के मँजरिया;
बड़ीखिनी आबै नित भोर
निगोड़ी बरजोर
कोयलिया शोर मचाबै!
बीतै नी रात परातो नी बीतै
बीतै उमेरिया;
भूली-भूली पड़ै सब बात
नजरिया हेरै डगरिया;
छन्ळैं-छन्हैं सूखै छै ठोर;
उमड़ि आबै लोर,
ननदिया दरदो नी पाबै!
