भारत की संस्कृति के लिए... भाषा की उन्नति के लिए... साहित्य के प्रसार के लिए

राखपत रखापत / मीठेश निर्मोही

Kavita Kosh से
यहाँ जाएँ: भ्रमण, खोज

परभातै अर सिंझ्या
थारी सेवा करां
थनै मनावण
झालर-नगाड़ा बजाय
संख पूरां।

थारै न्हावण सारू
दिनूंगै ई
अबोट पांणी री
जळेरी भरां।

धूंपेड़ै धूंपिया धरां
अर
थनै खेवां
गूगळ धूंप
पण
म्हे भूखां मरां!

अे गिगन रा वासी
म्हांरै खातर ई औ
कदै ई कीं बजाव
म्हांनै ई रमाव।