भारत की संस्कृति के लिए... भाषा की उन्नति के लिए... साहित्य के प्रसार के लिए
रागनी 2 / विजेन्द्र सिंह 'फौजी'
Kavita Kosh से
हाँ आं रै भाईयो छिड़गी सै लड़ाई
पाकिस्तानी घुसपैठिये कररे घणी अंघाई
भारत माँ के वीर सपूतो जोश जगाओ गात म्हं
घड़ी परीक्षा कि आगी सै ठाल्यो हथियार हाथ म्हं
जयहिंद जयहिंद वन्देमातरम् सारे बोलो साथ म्हं
हाँ आं तिरंगा नहीं झुकण दयाँ भाई
देश हमारा संकट म्हं सै मतना बैठो चुपचाप
कारगिल म्हं जाणा सै रस्ता ल्यो रै भाई माप
बिल म्हं तै रहया करैं सैं कीड़े मकोड़े बिच्छू सांप
हाँ आं रै करदो दुश्मन पै चढाई
यो टेम नहीं सै सोणे का बहोत घणे दिन सो लिये
फेर पाछै पछताओगे जब खा ज्याँ खेत गोलिये
दुश्मन घर के भीतर बड़गे बडे चाले हो लिए
हाँ आं रै करदां उनकी खुब ठुकाई
जाट विजेन्द्र सिंह न्यूं कहरा जान की बाजी ला दयांगे
टाईगर हिल पै जाकै नै असा मजा चखा दयांगे
मार-मार कै बेईमानां का थोबड़ा सुजा दयांगे
हाँ आं रै उनकी चढ़गी सै करड़ाई
तर्ज-देशी
