भारत की संस्कृति के लिए... भाषा की उन्नति के लिए... साहित्य के प्रसार के लिए
रागनी 5 / विजेन्द्र सिंह 'फौजी'
Kavita Kosh से
विजय ओपरेशन रै भाई सफल बणाणा सै
दुश्मन को भाई मार गिराणा सै भाई रै-4
हाम भारत माँ के पुत लाडले
म्हारै दुश्मन आगै हो कै भाजलें
दुश्मन की जान काढ़ लें-2 ना पाछै कदम हटाणा सै
जाण बुझ कै करी गुस्ताखी
सजा मिलैगी हो ना माफी
इतणी खता सै काफी-2 मजा चखाणा सै
उनैं बेरा ना ताकत म्हारी का
अपमान करा सै म्हारी महतारी का
ख्याल छोड कै प्यारी का-2 आगै कदम बढ़ाणा सै
विजेन्द्र सिंह न्यूं कहरा रै भाईयो
दुश्मन तै थम मत घबराईयो
ना रण म्हं पिठ दिखाईयो-2 एक दिन मर ज्याणा सै
तर्ज-दिवारों पर लिखा है तेरा नाम
