भारत की संस्कृति के लिए... भाषा की उन्नति के लिए... साहित्य के प्रसार के लिए

राजा मुखिया बेङ / मथुरा नाथ सिंह 'रानीपुरी'

Kavita Kosh से
यहाँ जाएँ: भ्रमण, खोज

साप छुछुंदर के झगड़ा में
हौलै गारा-गारी
तू-तू में-में होतें-होतें
होलै मारा-मारी।

देखी-देखी हंगामा में
फटलै रे पैजामा
कोईये दारा किंग कांग रे
कोईये बनलै गामा।

चूहा भैया समझावौ लेॅ
बीचें दौड़ी आवै
भितरे-भीतर लाल लड़ावै
बुनियाँ खूब झड़ाबै।

जाय पहुँचलै मुखिया सें-
करबाबै लेॅ पंचायत
अपनोॅ-अपनोॅ मुद्दा के
राखलके दोन्हू शिकायत

पूछ-ताछ करत्हें-करत्हें रे
बढ़ि गेलै तकरार
अपनोॅ-अपनोॅ मानै सें-
करकै सभें इनकार।

होतैं-होतैं आय पहुँचलै
मारपीट के नौबत
गरजी-गरजी दोनों तौलै
अपनों-अपनों दौलत।

बढ़लै ई झगड़ा मुखिया
बेङोॅ के भेलै बाहर
दौड़ी केॅ तबेॅ आय पहुँचलै
मुखिया पासें नागर।

लपकी तबेॅ पकड़कै रे
मुखिया राजा के टेंग
क-कें करतें, दोॅम तोड़कै
राजा मुखिया बेंङ।