भारत की संस्कृति के लिए... भाषा की उन्नति के लिए... साहित्य के प्रसार के लिए

राज रो कूड़ / मधु आचार्य 'आशावादी'

Kavita Kosh से
यहाँ जाएँ: भ्रमण, खोज

राज खातर
पांच साल हाका करिया
सड़कां माथै पड़िया रैया
लोगां नै गळै लगाया
हर पल मांय केई-केई
नूंवा सुपना दिखाया
लोगां नै भरोसो हुयग्यो
अै तो है म्हारा
वोट दे दिया सारा।
तीन बरस हुयग्या
वोट लेय ‘र गया हा
उणरै बाद
साम्हीं ई नीं आया है
मिलण जावां तो बतावै-
‘मीटिंग मांय है।‘
लारलै बारणै सूं आवै-जावै
हाजरिया कूड़ी कहाणी सुणावै।
साच है-
राज भलां-भलां नै
कूड़ा बणाय देवै।