भारत की संस्कृति के लिए... भाषा की उन्नति के लिए... साहित्य के प्रसार के लिए
रात भर शम्मा दिल जी ॻारियां पियो / अर्जुन ‘शाद’
Kavita Kosh से
रात भर शम्मा दिल जी ॻारियां पियो
सोजे़ दिल पाण ई जियारियां पियो
पंहिंजे ई गरम रत जे मर्हम सां
दिल जे ज़ख़मनि खे किअं न ठारियां पियो!
ग़म भी हिकु ज़हरु आहि, मइ भी ज़हर
ज़हर खे ज़हर साणु मारियां पियो।
दिल जी ऊंदहि त जिअं जो तिअं आहे
दीप आशा जा केइ्र ॿारियां पियो।
बणिजी पोपटु फिरां थो गुल गुल ते
उमिर सुरहाणि में गुज़ारियां पियो।
माॻु ई हुन मिटाए छॾियो ‘शाद’
छो अबस राह ॾे निहारियां पियो?
