भारत की संस्कृति के लिए... भाषा की उन्नति के लिए... साहित्य के प्रसार के लिए
राधा विरह / कालीकान्त झा ‘बूच’
Kavita Kosh से
श्याम होइछ परक प्रेम अधलाह हे
तेॅ बिसरि जाह हमरा बिसरि जाह हे
दीप बुझि रूप केॅ जुनि हृदय मे धरह,
मोहवाती जरा तेल नेहक भरह
कऽ देतऽ जिन्दगी केॅ ई सुड्डाह हे,
तेॅ बिसरि जाह हमरा विसरि जाह हे
हऽम मधुवन मे साँझक पहिल तारिका,
तोॅ फराके बनावह अपन द्वारिका
उठि रहल अछि अनेरेक अफवाह हे
हम विमल राशक खास संयोजिका,
छी प्रवल गोपक प्रेयसी गोपिका
घाट सँ खुलि चुकल अछि हमर नाह हे,
मोन मे उत्तरी सागरक जल भरह,
लाख चुचुकारी बर्फक महल मे धरह,
हम तहू ठाम बरबानलक धाह हे
