भारत की संस्कृति के लिए... भाषा की उन्नति के लिए... साहित्य के प्रसार के लिए
रान्दीको न खपे / मोहन गेहाणी
Kavita Kosh से
ॾाॾा, मूं खे पाण सां वठी हलु
मां ॾाहो थीन्दुसि
खेटो न कन्दुसि
तो खां कुझु बि न घुरन्दुसि
‘दस-बीस’ वारी दुकान तां
को बि रान्दीको वठण लाइ
ज़िदु न कन्दुसि।
रस्ते ते वर वर करे चवे
मां सुठो ॿारु आहियां
मां कुझु बि न घुरन्दुसि
मां कुझु बि न वठन्दुसि
आखि़र हिक रान्दीकनि जे
दुकान सामुहूं
सन्दसि क़दम
सुस्तु
ॾाॾा, मां रान्दीका न वठन्दुसि
पर दुकान अन्दर वञी रान्दीका ॾिसणु ॾे
दुकानदार खे चवे-
मां रान्दीका न वठन्दुसि
मां ॾाहो ॿारु आहियां
सिर्फ़ ॾिसन्दुसि किअं हलन्दा आहिनि
आखि़र
ॾाॾा, हीउ रान्दीको वणे थो
तोखे वणे थो?
मुख़तसिर जवाबु
हा-मुख़्तसिर
त ॾाॾा, तूं खणी वठु!
रांदि कन्दे ॾाढो मज़ो ईन्दव!
