राम लखन मोरा गोदी के खेलवना से / महेन्द्र मिश्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

महेन्द्र मिश्र »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राम लखन मोरा गोदी के खेलवना से हमरा के तेजी कहाँ गइलें हो लाल।
के अब खइहें राम माखन मलइया से के अब खै हें मिठइया हो लाल।
महल अटारी तेजी सोइहें बेबिछवना से कवना बिरिछ तले सोइहें हो लाल।
सूर्य के किरीन लागी लाल कुम्भीलइहें से बाघ सिंह देखि के डेरइहें हो लाल।
मुनी हठ कइलें राम संगे लेई गइलें से तपसी कहा के दागा कइले हो लाल।
कवना बिरिछे तले रहीहें ललनवाँ से राम लखन दूनू भइया हो लाल।
नीको ना लागे सखी घरवा दुअरवा से नीको ना लागेला अँगनवाँ हो लाल।
बाल रे पनवाँ से गोदीया खेलवनी से देखहूँ के भइलें सपनवाँ हो लाल।
निरखे महेन्द्र मोरा तरसे परानवाँ से कबले दू होइहें मिलनवाँ हो लाल।