भारत की संस्कृति के लिए... भाषा की उन्नति के लिए... साहित्य के प्रसार के लिए
रुपसित मगमगाउँदै झुम्ने फूललाई सोध / एस्पी कोइराला
Kavita Kosh से
रुपसित मगमगाउँदै झुम्ने फूललाई सोध
बैंससित जगमगाउँदै चुम्ने भूललाई सोध
जसै तिमी आउनेछौ दोष मलाई लाउनेछौ
छेउमै मलाई देखेर जवाफ आफैं पाउनेछौ
नदीसरी कलकलाउँदै कुद्ने कसमलाई सोध
घाँटीभरि सलबलाउँदै उड्ने बचनलाई सोध
जसै तिमी आउनेछौ मनैभरि छाउनेछौ
छेउमै मलाई देखेर जवाफ आफैं पाउनेछौ
लामो केश लहराउँदै बाग्ने बतासलाई सोध
न्यानो मन बहलाउँदै बग्ने सुवासलाई सोध
जस्तै तिमी आउनेछौ मिठो गीत गाउनेछौ
छेउमै मलाई देखेर जवाफ आफैं पाउनेछौ
