रूक्मिन बिपर के बोलौउलन, आँगन बइठवलन हे / मगही
रूक्मिन बिपर<ref>विप्र</ref> के बोलौउलन, आँगन बइठवलन<ref>बुलाया</ref> हे।
हमरा सँपतिया<ref>सम्पत्ति, पुत्र-रूपी सम्पत्ति</ref> के चाह, सँपति हम चाहही<ref>चाहती है</ref> हे॥1॥
उलटि पुलटि बिपर देखलन मन मुसकयलन<ref>मुस्कराये</ref>
रूक्मिन, बिधी नइ लिखलन लिलार,<ref>ललाट, भाल</ref> सँपति कहाँ पायब हे।
रूक्मिन, देबी जी हथुन<ref>हे</ref> दयामान, सँपति तोरा ओहि देथुन<ref>देगी</ref> हे॥2॥
उहँऊ<ref>वहाँ से</ref> रूक्मिन चललन, देबी से अरज करे हे।
देबीजी हमरो सँपतिया के चाह, सँपति हम चाहही हे॥3॥
उलटि पुलटि देबीजी देखथिन बड़ी मुसकयलन हे।
रूक्मिन, बिधी नहीं लिखल लिलार, सँपति कहाँ पायब<ref>पाओगे</ref> हे।
रूक्मिन, गंगा जी हथुन दयामान, सँपति तोरा देइ देथन हे॥4॥
उहँउ से रूक्मिन चललन, गंगा से अरज करे हे।
गंगाजी, मोरा सँपतिया के चाह सँपति हम चाहही हे॥5॥
उलटि पुलटि गंगाजी देखलन, मन मुसकयलन हे।
रूक्मिन, बिधी नहीं लिखल लिलार, सँपति कहाँ पायब हे।
रूक्मिन, बिसुन<ref>विष्णु भगवान</ref> जी हथुन दयामान, सँपति तोरा देइ देथुह हे॥6॥
उहँउ से रूक्मिन चलि भेलन, बिसुन से अरज करे हे।
बिसुन, मोरा सँपतिया के चाह, सँपति हम चाहही हे॥7॥
उलटि पुलटि बिसुन देखलन, मन मुसकयलन हे।
रूक्मिन, बिधी नहीं लिखल लिलार, सँपति कहाँ पायब हे।
रूक्मिन, सिबजी हथुन दयामान, वोही सँ देथुन हे॥8॥
उहँउ से रूक्मिन चलि भेलन, सिब से अरज करे हे।
सिबजी, मोरा सँपतिया के चाह, सँपति हम चाहही हे॥9॥
उलटि पलटि सिब देखलन, मन मुसकयलन हे।
रूक्मिन, बिधि नहीं लिखलन लिलार, सँपति कहाँ पायब हे।
रूक्मिन, बरमाँजी<ref>ब्रह्मा</ref> हथुन दयामान, ओही सँपति देथुन हे॥10॥
उहँउसे रूक्मिन चललन, बरमाँ से अरज करे हे।
बरमाँजी हमरो सँपतिया के चाह, सँपति कहाँ पायब हे॥11॥
उलटि पलटि बरमाँ देखलन, मन मुसकयलन हे।
रूक्मिन, बिधि नहीं लिखलन लिलार, सँपति कहाँ पायब हे॥12॥
बरमाँजी बलका<ref>बालक</ref> के बोलौउलन जाँघे बइठवलन हे।
बलका, छठिया<ref>छठी, पुत्र जन्म के छठे दिन ‘छठी’ नामक विधि होती है, उसी रात</ref> राते तोरा होयते, घुरिए<ref>घूम-फिरकर आ जाना अथवा लौट आना</ref> चलि अइह हे॥13॥
एतना सुनयते<ref>सुनते ही</ref> त बलका त बलका अरज करे हे।
बरमाँ जी, हम न जायब<ref>जाऊँगा</ref> अबतार बहुत दुख होयत हे॥14॥
घर ही रोवत मोरा अंबा बाहर मोरा पिता रोइतन हे।
बरमाँ जी, हम नहीं लेबो अबतार, बहुत दुख पायब हे॥15॥
बरमाँ जी, बलका के बोलवलन, जाँघे बइठवलन हे।
बलका सदिया-बिआह<ref>शाही-ब्याह</ref> तोरा होयतो, तबहि चलि अइह हे॥16॥
बलका बरमाँ से अरज करे अउरो मिनती करे हे।
बरमाँ जी, हम न लिहब अवतार, बहुत दुख होवत॥17॥
घरे जे रोबे मोरा भइया बाहर मोरा पिता रोइतन<ref>रोवंेगे</ref> हे।
सेजिया बइठल रोवे घरनी, बहुत दुख होयत हे॥18॥
बरमाँ जी बलका के बोलवलन, जाँघे बइठवलन हे।
बलका, अजर अमर होई रहिह, बहुत सुख होयत हे॥19॥
