भारत की संस्कृति के लिए... भाषा की उन्नति के लिए... साहित्य के प्रसार के लिए
रेगुलर नौकरी पाना कोन्या कति आसान बताऊँ मैं / रणवीर सिंह दहिया
Kavita Kosh से
रेगुलर नौकरी पाना कोन्या कति आसान बताऊँ मैं।।
सी ऍम ऍम पी सब धोरै पाँच साल तैं धक्के खाऊँ मैं।। (टेक)
पहलम कहवैं थे टेस्ट पास करे पाछै तूं बताईये
पास करे पाछै बोले पहले चालीस गये बुलाईये
एक विजिट चार सिफरिसी दो हजार तले आऊँ मैं।।
सरकारी नौकरी रोज तड़कै ढूंढूं सूँ अख़बार मैं
दुखी इतना हो लिया सूँ यकिन रहया ना सरकार मैं
एजेंट हाँडें बोली लानते कहैं चाल नौकरी दिवाऊं मैं।।
एम् सी ए कर राखी कहैं डेटा आपरेटर लवा देवां
कदे कहैं नायब तसीलदार ल्या तनै बना देवां
तिरूँ डूबूं मेरा जी होरया सै पी दारू रात बिताऊँ मैं।।
घर आली पी एच डी करै उसकी फिकर न्यारी मन्नै
दोनूं बेरोजगार रहे तो के बनेगी या चिंता खारी मन्नै
रणबीर बरोणे आळे तनै सुनले दुखड़ा सुनाऊँ मैं।।
