भारत की संस्कृति के लिए... भाषा की उन्नति के लिए... साहित्य के प्रसार के लिए
रेत सें निकली कहीं की यहू धारा मिलतै / अमरेन्द्र
Kavita Kosh से
रेत सें निकली कहीं की यहू धारा मिलतै
लागै नै छै कि कहूँ हमरा सहारा मिलतै
तोहें दुसरा रोॅ रहोॅ हमरौ मतर देखी लेॅ
कम नै छै डूबतेॅ केॅ तिनको रोॅ सहारा मिलतै
लोग धारी में खड़ा छै लेलेॅ उम्मीदोॅ केॅ
केकरौ काँटोॅ तेॅ केकरौ फूलहजारा मिलतै
देखथैं देखथैं पथरैतै आँख देखी लियौ
टकटकी बान्है सें केकरौ की सितारा मिलतै
चूमै के बदला थुकी देलकै जे हथेली पर
कोन मुँहोॅ सें फनू जाय दोबारा मिलतै
बात कस्सोॅ कैन्हेनी लागेॅ मतर छै सच्चे
मिलतै फगदोलो फनू जेकरा कोभारा मिलतै
कैन्हें भटकै छी ई धूपोॅ में नढ़िया देह हम्में
की बियाबानोॅ में देखै लेॅ नजारा मिलतै
-19.7.91
