भारत की संस्कृति के लिए... भाषा की उन्नति के लिए... साहित्य के प्रसार के लिए
रे मन! स्याम सों कर प्रीति / स्वामी सनातनदेव
Kavita Kosh से
राग विभास, ताल रूपक 18.8.1974
रे मन! स्याम सों कर प्रीति।
छोर सब जंजाल जग के, वृथा यह सब ईति॥
तू सुवा तनु पींजरा, नित गाउ हरि-गुन-गीति।
विषय-व्याल न आन पावै, रहहु ऐसी रीति॥1॥
सदा रहहु सचेत, डोलत काल-व्याध अमीत।
नाम-कोट रहहु सुरक्षित, सो न आय सभीत॥2॥
ध्यान-पोतहिं चढ़ि तरहु भव-सिन्धु षट् रिपु जीति।
पार करि पावहु परम धन स्याम-प्रीति पुनीत॥3॥
प्रीति पाय न होत फिर कोउ मीत! यह भव-भीति।
प्रीति ही में बसत प्रीतम, यह सनातन नीति॥4॥
