भारत की संस्कृति के लिए... भाषा की उन्नति के लिए... साहित्य के प्रसार के लिए
रोज हम ऐसैं बुटैलोॅ जाय रहल छी / दिनेश बाबा
Kavita Kosh से
रोज हम ऐसैं बुटैलोॅ जाय रहल छी
आदतो कुछ बद लगैलेॅ जाय रहल छी
स्वास्थकर छै चीज भी इफरात में
पान, तम्बाकू चिबैलेॅ जाय रहल छी
सेहत लेली दारू भी छै हानिकर
तैय्यो सब पीलें पिलैलेॅ जाय रहल छी
साजे दिल के तार ढिल्ला होय गेलै
दादरा, ठप्पा, लगैलेॅ जाय रहल छी
चाँद पहुँची गेल छै आबेॅ ढलानोॅ पर
चाँदनी तभियो लुटैलेॅ जाय रहल छी
पहिलोॅ रङ नैसर्गिक मस्ती आबेॅ कहाँ
ताकत के सइया लगवैलेॅ जाय रहल छी
‘बाबा’ कुछ ई हवा बचाय लेॅ कलको लेॅ
जंगल सब्भे ऐन्हें कटैलेॅ जाय रहल छी।
