भारत की संस्कृति के लिए... भाषा की उन्नति के लिए... साहित्य के प्रसार के लिए
रोटी नईंयाँ पानी नईंयाँ / महेश कटारे सुगम
Kavita Kosh से
रोटी नईंयाँ पानी नईंयाँ
छप्पर नईंयाँ छानी नईंयाँ
हम तौ गंवई गाँव के ठैरे
चंट,चतुर,और ज्ञानी नईंयाँ
जीवे खों तौ सब जी रये हैं
जीवे में आसानी नईंयाँ
सींचौ खूब पसीना हमनें
ख़ुशी मनौ हरयानी नईंयाँ
किसा,कहानी को कै रऔ अब
दादी मर गईं नानी नईंयाँ
काल मिली तौ हती ज़िन्दगी
मनौ सुगम बतयानी नईंयाँ
