भारत की संस्कृति के लिए... भाषा की उन्नति के लिए... साहित्य के प्रसार के लिए
ललित-ललित लघु-लघु धनु-सर कर / तुलसीदास
Kavita Kosh से
राग ललित
ललित-ललित लघु-लघु धनु-सर कर,
तैसी तरकसी कटि कसे, पट पियरे |
ललित पनही पाँय पैञ्जनी-किङ्किनि-धुनि,
सुनि सुख लहै मनु, रहै नित नियरे ||
पहुँची अंगद चारु, हृदय पदिक हारु,
कुण्डल-तिलक-छबि गड़ी कबि जियरे |
सिरसि टिपारो लाल, नीरज-नयन बिसाल,
सुन्दर बदन, ठाढ़े सुरतरु सियरे ||
सुभग सकल अंग, अनुज बालक सङ्ग,
देखि नर-नारि रहैं ज्यों कुरङ्ग दियरे |
खेलत अवध-खोरि, गोली भौंरा चक डोरि,
मुरति मधुर बसै तुलसीके हियरे ||
