भारत की संस्कृति के लिए... भाषा की उन्नति के लिए... साहित्य के प्रसार के लिए
लाकॅडाउन / त्रिलोकीनाथ दिवाकर
Kavita Kosh से
संकट में दुनियाँ जे पड़ी गेलै
कोरोना से कत्ते नी मरी गेलै
आँख नाक मंूहो क‘ जादे पै छुवो
रही-रही हाथो के सुबुन से धुवो
भीड़ो में घुसला से बढ़ी गेलै
कोरोना से कत्ते नी मरी गेलै।
कोरोना भगाबै ल‘ घरो मे रहो
जिनगी बचाबै ल‘ कुच्छु तों सहो
बातो के टालै के घड़ी गेलै
कोरोना से कत्ते नी मरी गेलै।
पी.एम. के लॉकडॉन देशो के खातिर
बेमतलब नै निकलोॅ पुलिसो छै शातिर
धरैला प‘ डंटा जे पड़ी गेलै
कोरोना से कत्ते नी मरी गेलै।S
