भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

लाखौँ जुनी कम हुन्छ / गणेश रसिक

Kavita Kosh से
यहाँ जाएँ: भ्रमण, खोज

लाखौँ जुनी कम हुन्छ
तिमीसँग माया लाउन
तिमीसँग माया लाउन ।
यस्तो लाग्छ मेरो जन्म
समय भन्दा अघि भयो
भाग्य खोन्दै भौँतारिँदै
थाहा नपाई उमेर गयो
यो उमेरमा लाएको माया
उधारो रहन्छ भन्छन्
सत्य साँचो माया लाए
अर्को जुनीमा पाउँछ भन्छन् ।
अर्को जुनी कम हुन्छ
तिमीसँग माया लाउन
तिमीसँग माया लाउन ।
जिन्दगीको आकाशमा
ताराभन्दा सपना धेरै
देखेको सपनाभन्दा
बाँच्ने आयु साह्रै थोरै
सपनाहरु पछ्याउँदा
विरानो ठाउँमा पुगेँ
थकाइ मार्न तिमी पाउँदा
उमेरको भञ्ज्याङमा पुगेँ ।
भञ्ज्याङ बिसाई कम हुन्छ
तिमीसँग माया लाउन
तिमीसँग माया लाउन ।