भारत की संस्कृति के लिए... भाषा की उन्नति के लिए... साहित्य के प्रसार के लिए
लिए दिल नै डाट / रणवीर सिंह दहिया
Kavita Kosh से
लिए दिल नै डाट, मतना देखै बाट
घर बच्या ना खाट, खोस लेगी महँगाई हो।
हो लिए सब तरां तैं तंग
इब होगे सैं मरने के ढंग
मारैगी या बीमारी, इलाज़ हुया भारी
देख किसी लाचारी, म्हारे साहमी आई हो।
बर्बादी डाटी नहीं डटी सै
ईज्जत सब तरियाँ घटी सै
तीन मैं दो मरगे, आँख बंद करगे
घने लाले पड़गे, नहीं सुणी दुहाई हो॥
होगी म्हारी ज़िन्दगी पैमाल
महंगाई नै करे सां बेहाल
नहीं रहे सुखी, सुनावै सूरज मुखी
कर दिए दुखी, कसूती फांसी लाई हो॥
किसकै जाकै टक्कर मारां
चढ्या कर्जा क्यूकर तारां
राह कोए बताओ, सूली पै ना चढ़ाओ
कुछ तरस खाओ, रणबीर करो सुनाई हो॥
