लुॾण खां पुछ खे तूं रोके सघीं जे!
बिना पुछ को हुजे, सोचे सघीं जे!
घणो मुश्किल आ नातो दोस्तीअ जो,
कॾहिं कंहिं खे रुॻो परखे सघीं जे!
गुलनि जूं पंखड़ियूं टोड़णु पुॻइ किअं,
फुडो शबनम जो हिकु जोड़े सघीं जे!
घड़ीअ में सूंहूं जो सिरिजणु थिए थो,
फ़क़त तंहिं महिल खे माणे सघीं जे!
भरियलु आ झोल तुंहिंजो नैमतुनि सां,
ग़रीब आहीं, नथो ख़र्चे सघीं जे!
रुसणु-परिचणु बि हिकु माणो हो हासिद,
मगर अॼु कंहिं सां मन ओरे सघीं जे!