लोकशाहीअ जी फ़तवा / गोरधन तनवाणी

समूरी अवाम लाइ
खुलियो ढिंढोरो आ त
करियो लोकशाहीअ जी
पूरी संभाल
जो इन करे
रुकियल आहिनि आम माण्हूअ जा सुवाल
भलि छो न उहे ईंघायल हुजनि
पौढाया हुजनि
देर सां सुलझन्दा हुजनि
‘देर पिया दुरुस्त थिया’ जी आ चविणी
जिति किथि
पोइ छो न अञा बि

देर सां निपटाया वञनि
वाका करणु
ॿोक फाड़णु
मूर्खनि जाहिलनि जो कमु आ
असां त समझदार आहियूं
अकुल परस्त आहियूं
बुद्धीमान आहियूं
छो न लोकशाहीअ में विश्वासु रखऊं?
थोरो तरिसूं
अञा बि तरिसूं
घणो घणो तरिसूं!!