लॻाउ मन जो नफ़रतुनि सां हो!
जुड़ियलु त जीउ रहमतुनि सां हो!
वॾियूं नवाज़िशूं गुनाहनि जूं,
सॼो जहान ज़िल्लतुनि सां हो!
अखियुनि में क़ाइदनि जी लाग़जी,
ना वास्तो हक़ीक़तुनि सां हो!
रहियो न कुझ बि माण्हपे जहिड़ो,
असांजो देश अज़मतुनि सां हो!
मञे थो ज़ुल्म, डोह, दहशत में,
सुञाणिबो सक़ाफ़तुनि सां हो!
छॾे ॾे सूझि-ॿूझि जूं ॻाल्हियूं,
अञा त सभु अक़ीदतुनि सां हो!
इएं त सुहिणो थो लॻे हासिद,
भरियलु सॼो मलामतुनि सां हो!