वक़्त जी तक़ाज़ा / अर्जुन ‘शाद’
बस वक़्त जी तक़ाज़ा हर शइर में भरियां मां
पंहिंजो त ज़िन्दगीअ में शोहरत सां नाहे मतलब!
ज़िन्दह रहण जो मज़दूर आखि़र न हकु घुरे छा?
हुनजी ग़र्ज़ तलब सां, वहशत सां नाहे मतलब!
कल्ह ताईं प्यार ख़ातिर ॿान्ही थी वारिणो हो
अॼु नाज़नीं जो निगुरी चाहत सां नाहे मतलब!
पाती सोन पाण में ई किस्मत अॾण जी ताक़त
अॼु आसमान तां लहन्दडु रहमत सां नाहि मतलब!
समझियुमि त प्यार धारां जीअणु महला हूंदो
कटिजनि पिया ॾींहं तोड़े उल्फ़त सां नाहि मतलब!
इन्सानियत जे वेरियुनि सां भी रखूं मुहबत?
मां किअं चवां त मुंहिंजो नफ़रत सां नाहि मतलब!
घर में की अहे नाहे, ॿाहिर त शान आहे
ॼणु राॼ जो को घर जी हालत सां नाहे मतलब!
कुर्बान हुस्न तां जे आशिक़ थियनि, किये अॼु?
घुरिजे रुपो थो, रूप ऐं रंगत सां नाहि मतलब!
लिखिणीअ में ख़ुद नफ़ासत पैदा असर करे थी
किअं था चवनि अदब जो हैअत सां नाहि मतलब!
