भारत की संस्कृति के लिए... भाषा की उन्नति के लिए... साहित्य के प्रसार के लिए
वजूद ईश्वर का / रणवीर सिंह दहिया
Kavita Kosh से
ईश्वर का वजूद दुनिया मैं कोए सिद्ध नहीं कर पाया॥
सबनै अपणे अपणे ढंग तै उसका अन्दाज लगाया॥
1
जो सिद्ध होग्या उसनै स्वीकारां विज्ञान नै पढ़ाया या
जो नहीं हुया उसनै खोजां विज्ञान नै सिखाया यौ
विज्ञान सिद्धान्त बनाया यो भगवान पै सवाल उठाया॥
2
ईश्वर का वजूद स्वीकारैं इसका मिल्या आधार कड़ै
बिना सबूत क्यूकर मानैं ईश्वर पाया साकार कड़ै
ईश्वर बनाया संसार कड़ै मामला समझ नहीं आया॥
3
मनुष्य नै ईश्वर रचाया कल्पना का साहरा लिया रै
कुदरत खेल समझ ना आया ईश्वर का सहारा लिया रै
भगवान का भूत बनाया यो खड़या खड़या लखाया॥
4
जिब सिद्ध हो ज्यागा तो इसका वजूद रणबीर मानै
इतनै साइंस के प्रयोगां तै पूरी दुनिया नै पहचानै
ईश्वर नै सारे के छानै उसनै कड़ै अपणा धूना लाया॥
