भारत की संस्कृति के लिए... भाषा की उन्नति के लिए... साहित्य के प्रसार के लिए
वजूद / घनश्याम सागर
Kavita Kosh से
मूं तो खे आवाजु़ बख़्शियो
नूर ॾिनो
ऐं
चीजु़नि खे पकिड़ण लाइ
ॿ चिमटा ॾिना मूं
अता कयूं आटोमेटिक वेसाखियूं
मूं तो खे ॾिनी ॾाति
ऐं
बुद्धी पिणि।
वरी नओं संओं थी जीअण लाइ
बोरियत ऐं बदहवासीअ खां
निजात लाइ
मूं तोखे ॾिना अलॻ अलॻ
के हसीन दिलकश रांदीकां
जिनि मां
तो हासिल कयो आनन्द
उमिरि अनुसार
पर अफ़सोस!
तो मूं खे ई लुटियो
तो त भगा मुंहिंजा ई पेर
मुंहिंजा ई हथ
तूं ई करीं थो
बेरहम बणिजी
गोलियूं हणन्दे
मुंहिंजो ई ख़ून
सामूहिक नमूने,
बस विस्फोट कन्दे
करीं थो
नेस्त-नाबूद
मुंहिंजो ई वजूद।
(अक्स अधूरा- 1998)
