भारत की संस्कृति के लिए... भाषा की उन्नति के लिए... साहित्य के प्रसार के लिए
वन अभिवादन / कल्पना सिँह-चिटनिस / सुमन पोखरेल
Kavita Kosh से
अनावृत्त हौँ हामी अब
र जङ्गलको सुन्दरता तापौँ ।
फुकालेर फालौँ आवरणहरूलाई,
अति भइसके ती हाम्रा लागि।
जङ्गलमा ढर्रा गर्नुपर्ने खाँचो छैन
हामी जे हौँ त्यही बनौँ अब !
हामी सिँह, चिल, ब्वाँसा, स्याल
मृग, ढुकुर, देवता वा सर्प बनौँ,
यदी हामी तिनै हौँ भने…
अथवा रुख, पहाड, ढुङ्गा, थुम्का
वा गरेटा वरिपरि झरेका पात बनौँ ।
तिर्खाको उत्सव मनाउँदै
पधेँरो खोजौ…
आफ्नै छालामा उदिप्त हौँ हामी
अँध्यारामा, उज्यालामा,
टलक्क टल्किऔँ
घामले आसपास खेल्दा,
आवरणविहीन बनाऔँ हृदयलाई
र जङ्गलको पवित्रता धारण गरौँ अब,
पत्ता लगाऔँ अब हामी
हाम्रो प्राकृतिक आन्तरिक सुन्दरता ।
