भारत की संस्कृति के लिए... भाषा की उन्नति के लिए... साहित्य के प्रसार के लिए
वर्षमा महिना छन् बाह्र वटा एउटा हो साउन / मञ्जुल
Kavita Kosh से
दाजु
वर्षमा महिना छन् बाह्र वटा एउटा हो साउन
के लाग्छ बेर बद्लिई अर्को महिना आउन
भत्काउनेहरू छन् त्यसैकारण बनाउने हामी छौँ
हर युगका पाना पल्टाई हेर हामी नै नामी छौँ
जाँ हुन्छ हिंसा, हत्या र पीडा करूणा त्यैँ हुन्छ
असत्य एकदिन पुर्पुरो समाई एक्लेर रोइरन्छ
गीतमा शब्द कुँदिएपछि स्वरले फिजाउँछन्
गाउँछन् तिनलाई गायकीहरूले आँसुले भिजाउँछन्
एकदिन हेर यो सारा धरा मान्छेको गीत हुन्छ
अन्यायी-पापी लाग्दछन् पाखा सत्यको जीत हुन्छ ।
