भारत की संस्कृति के लिए... भाषा की उन्नति के लिए... साहित्य के प्रसार के लिए
वाक़फ़ियत / खेमन मूलाणी
Kavita Kosh से
तूं मूंखां
मुंहिंजी वाक़फ़ियत न पुछि,
छो त मां तोखे,
पूरी वाक़फ़ियत बुधाए न सघन्दुसि
(को बि न बुधाईन्दो आहे)
मां तोखे
बुधाइणु बि नथो चाहियां
छो त मूंखे डपु आहे
त किथे तुंहिंजे अखियुनि में
मुंहिंजो वज़नु
घटिजी न वञे!
वधी बि सघे थो।
पर अहिड़ी हालत में
मां उन हेठां दॿिजी मरी वेन्दुसि।
छा तुंहिंजे लाइ
एतिरी वाक़फ़ियत काफ़ी नाहे?
त मां,
मुकमल हवासनि ऐं उज़्वनि वारो
इनसानु आहियां
इनसानु,
जंहिं जे वाक़फ़ियत जी
ॿी का ख़ास ज़रूरत कान्हे।
