भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

वागमती सफाइको तेल घसेर सडकमा निर्लज्ज हिँडिरहेछु / सन्ध्या पहाडी

Kavita Kosh से
यहाँ जाएँ: भ्रमण, खोज

हो मैले गल्ती गरेँ
झिसमिसे मै उठेर
सेचन गरेर बागमतीको पवित्र जलले
नदी र जीवन
जीवन र नदी पढाउने
ति पुर्खाहरूलाई चटक्क भुलेर
हो मैले गल्ती गरे।
कुन मोहको पहाडले थिच्यो मलाई
कुन लोभको बादलले छोप्यो मलाई
पत्तै नपाई एउटा धमिलो सभ्यता
हुर्कियो म भित्र।
 
डुबेर बागमतीमा आज पनि निर्धक्क मुस्कुराउछ जून
न्याने आत्मियता निशंकोच खन्याउछ घाम
चराहरूले चिरविराउन भुलेका छैनन् आजपनि
उस्तै छ पर मन्दिरबाट गुञ्जिने घण्टाको ध्वनि
तर आफ्ना सारा विवेक र ज्ञानहरूलाई
बाकसमा ताल्चा लगाएर हिडेको मान्छे म
आज आफूले खनेको खाल्डोमा
आफै पुरिदै छु ।
 
हो मैले नै खोसेको हुँ
घुम्दै बग्ने ति छालहरूका
ओठका निला मुस्कानहरू
मैले नै दिएको हुँ
बदलामा यि दुर्गन्ध र फोहोरहरू
यतिबेला बागमती सफाईको तेल घसेर
सडकमा भिडसँगै निर्लज्ज हिँडिरहेछु म।
 
मौन दर्शक पशुपति
चुपचाप हेरिरहेछ मान्छेहरूको यो चर्तिकला
किन भन्न सक्दैन ऊ
ओ मान्छे फोहर बाहिर हैन
तिमी भित्रै छ
त्यसैले पहिला पखाल आफुलाई ।