भारत की संस्कृति के लिए... भाषा की उन्नति के लिए... साहित्य के प्रसार के लिए
विफता गेर दई हर नै / मेहर सिंह
Kavita Kosh से
हे बहू तावल करकै चालिए हे दुःख पा रह्या मेरा गात
विफता गेर दई हर नै।टेक
अपणा भेद बता दे मन का
दुःख भोग्या रात और दिन का
कर रही तन का बेहाल हे रही कष्ट भोग दिन रात
क्यूं छोड़ कै घर नै।
मदनावत सीता सतवन्ती,
जिनका जिक्र सदा से सुणती
उस दमयन्ती की ढाल हे तेरी खोटी लागी स्यात
टोहवती फिर रही बर नै।
मैं थारी करकै आगी मेर,
खड़ी हो क्यूं ला राखी देर
तेरी टेर सुणैं तत्काल हे ओ तीन लोक का नाथ
रट्या कर सच्चे ईश्वर नै।
मेहर सिंह सीख सुर ज्ञान,
तेरा हो कवियों में सम्मान
कर खानदान का ख्याल हे बहू ईज्जत तेरे हाथ
तेरे पुचकार दयूं सिर नैं।
