1,821 bytes added,
16:11, 28 अगस्त 2024 {{KKGlobal}}
{{KKRachna
|रचनाकार= सुमन पोखरेल
|अनुवादक=
|संग्रह=सौन्दर्यको सङ्गीत / सुमन पोखरेल
}}
{{KKCatGhazal}}
{{KKCatNepaliRachna}}
<poem>
तिमी गयौ, यो मन हर्षित छैन मेरो कोठामा
मनको दुखाइ सीमित छैन मेरो कोठामा
बेग्लै मजा थियो तिमीलाई फकाउनुको
तिमी नहुँदा हारजीत छैन मेरो कोठामा
वर्षात् छ हजारौँ कल्पना र सम्झनाको
तिम्रो कुनै चिज विस्मृत छैन मेरो कोठामा
न पर्दा हल्लिएका छन् न दीप चलमलाउँछ
तिमी छैनौ, जोश जीवित छैन मेरो कोठामा
टुङ्गो छैन कति बेला कता बग्ने हो झरेर ?
आँसु आज सुरक्षित छैन मेरो कोठामा
बिछोडको यो रातमा निश्वास चिसोचिसो छ
मानौँ कुनै कोठा उपस्थित छैन मेरो कोठामा
चुरा, कल्ली, पाउजू, झुम्का, र त्यो चाल तिम्रो
तिमी नहुँदा कुनै सङ्गीत छैन मेरो कोठामा
कसरी बसूँ यो नीरव उदासीमा सुमन !
रात छ, म छु तर, प्रीत छैन मेरो कोठामा
</poem>