भारत की संस्कृति के लिए... भाषा की उन्नति के लिए... साहित्य के प्रसार के लिए
Changes
Kavita Kosh से
{{KKCatNepaliRachna}}
<poem>
भो नफकाऊ मलाई अब
भावनाका कुनै प्रलोभनले
अघाएन कहिल्यै
तिम्रो यो लोभ स्वामित्वको ।
पल्टाएर हेर
कला, साहित्य र इतिहासका पाना
तिमीले देख्नै पाएनौ
चाहेनौ पनि क्यार हेर्न ।
तिम्रो अहमले स्वीकार्न सकेन कहिल्यै
मेरो स्वतन्त्र व्यक्तित्व
तिम्रो संरक्षणबिना बाँच्न नसक्ने
अबला नारी ठहरिएँ ।
तिमीले जे चाह्यौ
सो देख्यौ, सोही खोज्यौ ममा
जीवहत्याजस्तै पाप हो
र सोही अपराध तिमीले गरेका छौ ।
आज आफ्नै सोचाइको विकृतिबाट कुण्ठित
हे अधुरो पुरुष !
शरीर र संरक्षणबाहेक
अरू धेरै कुरा खोज्छ तिमीमा ।
खोइ पुरुष यहाँ
जसलाई पाएर
जसलाई चाहेर
जोबाट म मुक्त बाँच्न सकूँ ।
म 'म' हुन सकूँ
प्रतीक्षा केवल प्रतीक्षा
