भारत की संस्कृति के लिए... भाषा की उन्नति के लिए... साहित्य के प्रसार के लिए

विश्वेश्वरैया / राजकुमार

Kavita Kosh से
यहाँ जाएँ: भ्रमण, खोज

विश्वेश्वरैया महान गे बहिना, विश्वेश्वरैया महान
अभियंता जनता रोॅ जान गे बहिना, विश्वेश्वरैया महान

खेतोॅ-खलिहानोॅ में, वन में बगानोॅ में
धरती रोॅ हरियाली, लहरै अभियानोॅ में
लह-लह पौधा लहरै धान गे बहिना, विश्वेश्वरैया महान
अभियंताजनता रोॅ जान गे बहिना, विश्वेश्वरैया महान

सड़क पुल मकानोॅ में, नहरोॅ में बान्हों में
इन्सेट कम्प्यूटर में, बिजली रं प्राणों में

पोखरन रोॅ पंख परिधान गे बहिना, विश्वेश्वरैया महान
अभियंता जनता रोॅ जान गे बहिना, विश्वेश्वरैया महान

भारत रेॅ रतन आय, डरलोॅ छै घातोॅ सें
उबलोॅ छै दुष्टोॅ के करनी सें, बातोॅ सें
ऐलोॅ छै विश्व रोॅ बिहान गे बहिना, विश्वेश्वरैया महान
अभियंता जनता रोॅ जान गे बहिना, विश्वेश्वरैया महान