वीर मराठा छत्रापति जे
वीर शिरोमणी धीरमति जे
जेकरोॅ अभियो तक ई धरती
गाबै छै गुणगान,
वीर शिवाजी ई माटी के
सच्चा ठो संतान ।
जीजाबाई-संस्कार केॅ
वीर मराठा रो विचार केॅ
अपनोॅ माटी, धरम सेॅ जेकरा
रहै-रहै अभिमान
वीर शिवाजी ई माटी के
सच्चा ठो संतान ।
रामदास रोॅ शिष्य निराला
स्वाभिमान सिखलाबै वाला
बुद्धिमान ई बाहुबली सेॅ
शत्रु तेॅ हैरान
वीर शिवाजी ई माटी के
सच्चा ठो संतान ।
रचनाकाल-19 फरवरी 2014