भारत की संस्कृति के लिए... भाषा की उन्नति के लिए... साहित्य के प्रसार के लिए
शंकर -स्तवन / तुलसीदास/ पृष्ठ 10
Kavita Kosh से
शंकर -स्तवन-10
( छंद 167, 168)
(167)
जीबेकी न लालसा, दयाल महादेव! मेाहि,
मालुम है तोहि, मरिबेईको रहतु हौं।
कामरिपु! श्रामके गुलामनिको कामतरू!
अवलंब जगदंब सहित चहतु हौं।
रोग भयो भूत-सेा, कुसूत भयो तुलसीको,
भूतनाथद्व पाहि! पदपंकज गहतु हौं ।
ज्याइये तौ जानकीरमन-जन जानि जियँ
मारिये तौ मागी मीचु सूधियै कहतु हौं।।
(168)
भूतभव! भवत पिसाच-भूत-प्रेत-प्रिय,
आपनो समाज सिव आपु नीकें जानिये।
नाना बेष, बाहन, बिभूषन , बसन,बास,
खान-पान, बलि-पूजा बिधिको बखानिये।।
रामके गुलामनिकी रीति, प्रीति सूधी सब,
सबसों सनेह, सबहीको सनमानिये।
तुलसीकी सुधरैं सुधारें भूतनाथहीके,
मेरे माय बाप गुरू संकर-भवानिये।।
