भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

शङ्कालु आँखाहरू / भीम विराग

Kavita Kosh से
यहाँ जाएँ: भ्रमण, खोज

जिन्दगीका घुम्तीहरूमा
समयले साथ दिएन भने दुर्घटना हुन सक्छ
आँखाहरू शङ्कालु हुन सक्छन्
केही सपनाहरू
केही बिपनाहरूबाहेक
मान्छेहरूसँग हुन्छ नै के ?
सपनालाई देख्ने
बिपनालाई भोग्ने
अधिकार सुरक्षित छ सबैमा
ती सपनाहरू बाँडचुँड गर्छ मान्छे
ती बिपनाहरू पनि भागबन्डा गर्छ मान्छे
काँचो सूर्यसँगै उदाएर
पाकेको सूर्यसँगै अस्ताउँछ मान्छे
 टुकीजस्तै जलेर
आफू अँध्यारो हुन्छ मान्छे
अरूकै लागि बाँचेका मान्छेहरू
आफ्नै घुम्तीको दुर्घटनाभित्र मर्नुपर्छ
आफ्नै परिवेशले थिचिएर छोपिनुपर्छ
यसरी मान्छे सहाय पनि छ
मान्छेय सरी असहाय पनि छ