भारत की संस्कृति के लिए... भाषा की उन्नति के लिए... साहित्य के प्रसार के लिए
शहर (कस्तूरी कुंडली बसै) / चन्द्रप्रकाश जगप्रिय
Kavita Kosh से
पंडुक नें
पुडुकनी सें कहलकै
हम्में एक दिन शहर देखेॅ गेलियै
वहां सड़के रहै उब-डुब
बिजली करै रहै भक-भुक
भीड़ के रेलम पेल सें
आदमी एक दोसरें से करै रहै बक-बुक
आरो जेकरा भी देखलियै
ओकरा विष उगलतें देखलियै
जे अनचिन्हार आकृति सिनी लागै रहै
सब के सब
तबेॅ समझी-गेलियै
हम्में कोय शहर में आय गेलियै।
