भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-47 / अच्युतानन्द चौधरी 'लाल'
Kavita Kosh से
सेहर
नन्द के ललना जसोमती अंगना
झूलैछै पलना झुलावैछै ललना
गावैछै सोहर सुमधुर बैना
खन खन खनकैछै हाथोॅ के कंगना
रतन-जड़ित चन्दन के पलना
रेशम के डोरी रेशम के फुदना
श्याम जलद सम मनहर बदना
कानन सेवत राजिव नयनां
शेष सहस मुख सें नहिं बरना
लज्जित छबि लखि कोटिक मदना
जुग जुग जीहौं जसोमती ललना
ॅलालॅ ललन तोरोॅ पति तीन भुवना।।
बधैया
बाबूजी लेॅ केॅ अइलै बबुआ के बधैया
अम्मा जी लेॅ केॅ अइलै बबुआ के बधैया
लेॅ केॅ बधैया दुअरिया पर अइलै देखी केॅ हिया हुलसैलै
ननद हमरी आबी गेलै लेॅ केॅ बधैया
साजी केॅ थरिया में गहना चुनरिया
गोटा के लहगा टिकुलिया
सासूजी लेॅ केॅ अइलै सोनमा के बेसरिया
बबुआ के कपड़ा मांगोॅ के सिनुरिया
भरलोॅ खेलौनां सें डलिया
सैयां जी लेॅ केॅ अइलै बबुआ के बधैया।
