भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-52 / अच्युतानन्द चौधरी 'लाल'
Kavita Kosh से
सोहाग
सोहाग बदरिया आज झमझम बरसये हे
हमरी लाड़ो केॅ दै लेॅ सोहाग बदरिया बरसये हे
ऐंगना में बरसये मंडवा में बरसये
सोहाग बदरिया आज झमाझम बरसये हे
मंगल गावये चौंक पुराबये, झलमल झलमल दीप जरावये
लाड़ो केॅ देॅ केॅ सोहाग सोहागिन हुलसये हे
ऐंगना नहावये दुलहिन दुलरिया
बरसये रिमझिम सोहाग बदरिया
बेटी केॅ देॅ केॅ सोहाग अम्माजी हुलसये हे।
परछन
आबी गेलै जी दुआर बन्ना बन्नी लेॅ केॅ आज
चलोॅ परछैलेॅ सखि हे सोना के थार साज
मोरी पटुका सम्हार दुलहा अइलै जी दुआर
करी सोलहो सिंगार चलोॅ परिछैलेॅ आज
मोटर कारोॅ में सवार दुलहा अइलै जी दुआर
चलोॅ चलोॅ सखि मिलि जुलि परिछैलेॅ आज
बाबा लुटावये अन धन सोनमां
अम्मा लुटाबैछै गहना हजरा।। आबी.।।
नाना लुटावये माल खजनमा
नानी लुटवाये गहना हजार।। आबी.।।
बनरा केॅ सोमये चीरा पीताम्बर
बननी केॅ सोहये चूनर चटकदार।
