भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-58 / अच्युतानन्द चौधरी 'लाल'
Kavita Kosh से
कोभरोॅ
सिया के सोहाग के रात जी कोहबर रंग सें भरलोॅ
रंग सें जी भरलोॅ अत्तर सें जी भरलोॅ
मनि मानिक सें जड़लोॅ पलंग पर
सिया संग रामजी हुलसलोॅ जी कोहबर रंग सें भरलोॅ
सिया संग रामजी हुलसलोॅ जी कोहबर रंग सें भरलोॅ
सिया जी के तन सोहे लाली चुनरिया
राम जी पीताम्बर सें सजलोॅ जी कोहबर रंग सें भरलोॅ
राम सिया छवि निरखि मनोहर
कोटिक मदन लजैलोॅ जी कोहबर रंग सें भरलोॅ
ॅलालॅ राम के नाम जपन करी
कैतना अधम जग तरलोॅ जी कोहबर रंग सें भरलोॅ।।
कोभरोॅ
बलमु तोरोॅ सेजिया पर हम्में नै जइभौं
हम्में नैं जइभौं जी हम्में नै जइभौं
खिड़की सें हुलकैछै छोटकी ननदिया
तों बेरजोरी करोॅ नै जो हम्में नै जइभौं
सास ससुर जी छै ऐंगना में ठाढ़ोॅ
शरम हमरा लागैछै एखनी नै जइभौं
बारह बरस के जी छोटी रे उमिरिया
करैछै छाती धड़ धड़ हम्में नै जइभौं।
